منتدى الرحيبة شبكة سيريا بيلد :: اطلع على الموضوع - (نقلا عن جريدة البعث)معاناة اهالي الرحيبة من مشكلةالمياه

ابو منصور · رحيباني فضي

جريدة البعث

قسم: تحقيقات

التاريخ:23/6/2008

عـــاجــــل ..
برسم مؤسسة مياه ريف دمشق
يعاني اهالي حي الجسر في مدينة الرحيبة من سوء توزيع مياه الشرب حيث يمضي احياناً اكثر من عشرين يوماً وهم بدون مياه، مما يضطرهم الى اللجوء للصهاريج وشراء المياه منها بأسعار مضاعفة خاصة بعد ارتفاع سعر مادة المازوت وطبعاً ذلك لايمكن احتماله اذا طال كثيراً نظراً لدخول السكان المحدودة، والمفارقة التي اشار اليها السكان هي غياب العدالة في توزيع المياه حيث ان هناك احياء لاتنقطع عنها المياه ابداً واخرى تأتيها كل يومين او ثلاثة ايام وتمنى اهالي حي الجسر الواقع وسط مدينة الرحيبة ان يصار الى انصافهم وتطبيق العدالة في توزيع المياه على جميع الاحياء
Idea

محمد قاسم خالد · رحيباني ذهبي

السلام عليكم

الشكوى لغير الله مذلة

الأمر يمكن أن يعالج وبسهولة ...بالقناعة.....وبالمحافظة على هذه النعمة.....وبالشكر (شكر الله ).......وبتسليم الأمر إلى أهله؟

msem · رحيباني جديد

السلام عليكم

الاخ ابو عبد الرحمن , لا اختلف معك ابدا على اهمية القناعة و على تشجيع ممارسات الحفاظ على نعمة المياه خاصة , و على سائر أمور حياتنا عامة.

لكن بإعتقادي انه في هذا الموضوع لا نستطيع القول ان القناعة هي الحل , فنح في الرحيبة الطرف المتضرر في هذه المسألة , وعلى العاملين في هذا المشروع ( مد شبكة مياه الرحيبة)
الــقـنـاعــة و الاقتناع انهم اخذوا ما يكفي من اموال و وقت وجهد الشعب.

* مع التأكيد على اهمية المحافظة على المياه ومحاربة الممارسات السلبية ( مثل غسيل السيارة بنص الحاووزض)

* كما اتمنى ان يكون لهذه المقالة اثر في تسريع عملية حل هذه المشكلة .

صقر الرحيبة · رحيباني الماسي

msem · رحيباني جديد

اخي صقر الرحيبة

اسمحلي اني ارد على تساؤلك , (( لأ ... ما عندهنش قناعة , وبتسكين الإش كمان ).
لو عنهن قناعة ( أقصد اي طرف له مسؤولة او دور سلبي ) كانو من زمان خلصو و ريحو البشر , بعدين احنا ما نتكلم عن مشروووع مش مش مد بالوعة من المسطبة لأرض الدار ,
اقدص انه في خطط , وآلية عمل ومراحل و مراقبين ( حلوي هاي مراقبين , معذورين ما يراقبو مسلسلات )

من باب الموضوعية : في ناس ما تحاول اتعدل لكن ما عم تغدر , على كلن لازم نحاول على طول , لأن الشخص اللي بحاول ياكل حقوق الناس لازم يتواجه وانصعب الطريق عليه قدر ما ابنستطيع.

صقر الرحيبة · رحيباني الماسي

يا رجال الله يعين

انشالله بتنحل هالمشكلة باقرب وقت

مش بس منشان المي

منشان الشوارع والغبرة اللي بالبلد

صقر الرحيبة · رحيباني الماسي

يا رجال الله يعين

انشالله بتنحل هالمشكلة باقرب وقت

مش بس منشان المي

منشان الشوارع والغبرة اللي بالبلد

rafaat zedan · ابن الرحيبة

والله قصة المي الله المستعين عليها

لانها مو قصة يوم ويومين

بتفكر ان مسؤلين عن المي وتوزيعها بعدهن بشتغلو على العلاقات الاجتماعية !!!

انشاء الله نظل صحبة معهم مشان مايقطعوها عنا

على كل حال تنحل مشكلة الطرقات على امل يتفرغو لمشكلة المي

والله المستعان

مشكورين على طرح الموضوع والله يجزيكم الخير

msem · رحيباني جديد

أخي رأفت ,, شكرا على المرور

المشكلة ما بصير ينهو موضوع الشوارق قبل المي , ولا برجعو بعد مدة ايحفرو الشوارع .

على كل حال بإذن الله القادر على كل شيء ستحل ( شاء من شاء وأبا من أبا ).

* مزحة :عجبتني عبارة الله المستعين ( فكرت حالي بالمعضمية )

rafaat zedan · ابن الرحيبة

اكيد مشكلة المي هي الاولى مافي خلاف

بس برايك لو حلوها وزفتو الطريق

شو السبب حتى يردو يحفروه مرة تانية !!!!!

بيحسبو حساب الرجعة

يعني تخيل بلدنا نظيفة وبدون تحفير ؟؟

عيب شو بدك يقولو علينا الناس بلدنا منظمة شو هالحكي......

ToRkomAn · رحيباني جديد

والله مشكلة المي لازم ما ينسكن عنها

يعني احنا كنا ساكنين مقابل جبل أبا سعيد بعد السيل والمي من عنا ما بتنقطع......

بس هلأ بعد ما سوو الخط الجديد صرنا نحلم بشوفة المي.......

على ئد ما بنكره السفر على ئد ما بنحمد الله على المي اللي ما بتنقطع عنا بالامارات...

بس ان شاء الله بيلتئى حل